Plantun de Prouvènço

Pèr coumpara dos planto d'encò nostre

Helictochloa pratensis & Myosotis arvensis

Helictochloa pratensis

Poaceae Graminaceae

Nom en français : Avoine des prés.

Descripcioun :
Aquest civadoun (espigueto de 12 à 25 mm) trachis au nostre dins li colo e en mountagno. Es uno planto pulèu grando (0,3 à 1 m) que se recounèis à si fueio plato, si glumo quàsi tant longo que li flour que soun proun pelouso à la baso. En Prouvènço vèn la subsp. pratensis emé uno lengueto sènso péu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictochloa
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 8 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun

Liò : Tepiero seco - Esboudèu - Colo - Basso mountagno
Estànci : Subremediterran à Mountagnard
Couroulougi : Éuropenco-Ouèst
Ref. sc. : Helictochloa pratensis (L.) Romero Zarco, 2011 (= Avenula pratensis (L.) Dumort., 1968 )

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").